Ils 16 avuost 2026 ho il suveraun appruvo ün credit da bundant 10 milliuns francs. Cuort aunz la votaziun es gnieu inoltro ün recuors tar la Drettüra superiura cunter il messagi da la votaziun chi nu saja sto correct. Tenor la comunicaziun da la vschinauncha da Puntraschigna invers RTR saja il recuors intaunt gnieu retrat sainza resalvas ils 12 settember 2026. Cun que saja il resultat da la votaziun a Puntraschigna davart il credit per la plazza da sport e temp liber Roseg leghelmaing valabel. Davous il recuors es sto üna dispütta in connex cun l’Hotel Flaz chi dess gnir construieu sülla plazza da sport Roseg. (rtr/fmr)