Serreda da via - Via dal Chanel dals 3 marz 2025 fin ils 15 gün 2025

La Via dal Chanel vain serreda dals 3 marz 2025 fin ils 15 gün 2025 a partir dal numer 8 fin e cun il numer 15 pervi da las lavuors vi da la chanalisaziun illa Via dal Chanel. Excepziuns velan per veiculs chi drouvan access al plazzel da fabrica illa Via dal Chanel ed al plazzel da fabrica da la halla da parker da la chesa da scoula. L’access a las hallas da parker da la Via dal Chanel 12, 14 e 15 es adüna garantieu. La halla da parker da la Via dal Chanel 13, Via Veglia 20 e 22 es accessibla via l’entreda da la garascha Chaunt Baselgia 2. Ils parkegis per visitaduors illa Via dal Chanel nu paun gnir druvos düraunt la fasa da fabrica.

L'access per peduns a la via ed a las chesas pertuchedas vain garantida cun üna passarella per peduns düraunt tuot il temp da la serreda. La via da scoula sgüra vain signaliseda e maina düraunt la fasa da fabrica tres la Via vers Mulins, Chaunt Baselgia, Via dal Güglia.

Nus ingrazchains per Lur incletta.

Per incumbenza da l’autorited da fabrica
 l’uffizi da fabrica da Silvaplauna

Silvaplauna, ils 27 favrer 2025