Ordinaziun da trafic

1. La suprastanza cumünela da Schlarigna ho l’intenziun d’introdür las seguaintas restricziuns da trafic sül territori cumünel:
 

Scumando da fermer (sig. 2.49)
tevla supplementera: Da tuottas duos varts da la via

- Schlarigna, Vietta Chasauns (cruscheda Via Chalchera fin cruscheda Vietta Schlattain) e Via Chalchera (cruscheda Vietta Chasauns fin viel Chesa Stredas)
 

Scumando da parker (sig. 2.50)
- Schlarigna, Vietta Chasauns, cuort aunz l’access a la Via Chalchera, duos plazzas da s-chargeda e rechargeda davaunt il pro da skis
 
2. La nouva regulaziun preschanteda cò as basa sül concept da trafic e da parker da la vschinauncha da Schlarigna e pissera cha las vias manzunedas sajan adüna transiblas. 

3. La restricziun da trafic planiseda es gnida appruveda preliminermaing als 07-01-2025 da la pulizia chantunela sün basa da l’art. 7 al. 2 LItLTV. 
 
4. Objecziuns e pusiziuns in connex cull’ordinaziun da trafic planiseda paun gnir inoltredas infra 30 dis a partir da la publicaziun a la suprastanza cumünela da Schlarigna. Zieva avair examino las pusiziuns entredas, decida la vschinauncha e publichescha sia decisiun i’l fögl ufficiel dal chantun cun ün’indicaziun dals mezs leghels a maun dal tribunel administrativ. 

La suprastanza cumünela da Schlarigna

Schlarigna, ils 13 favrer 2025