14.01.2025
Da venderdi, ils 24 schner 2025 fin e cun dumengia, ils 26 schner 2025 haun lö las cuorsas da la Coppa mundiela da passlung FIS COOP Engiadina a Silvaplauna-Surlej. L’occcurrenza ho lö i’l territori Crap da Sass, Chadaunchels e Crasta süls tragets da cuorsa omologios da la FIS.
Düraunt la montascha e demontascha scu eir düraunt l’occurrenza a partir dals 13 schner fin als 27 schner 2025 vegnan ils parkegis Foppas Ost e Punt da Surlej serros pel public. La via da Silvaplauna a Surlej e tuot ils access a las chesas a Surlej sun avierts sainza restricziuns düraunt quist temp. A partir da gövgia, ils 23 schner 2025 fin e cun dumengia, ils 26 schner es la loipa da cuorsa a Surlej serreda pel public. La serreda vela eir per peduns e possessuors da chauns. La loipa da colliaziun da Silvaplauna via Ova dal Sagl a Segl resta adüna avierta. 

A vain arcumando da viager culs mezs publics per guarder l’occurrenza. Visitaduors motorisos paun parker lur veiculs aint illa chesa da parker Munterots. A vain organiso ün servezzan da trafic düraunt l’occurrenza. 

Nus ingrazchains per l’incletta e’ns allegrains da Las/Als pudair bivgnanter a la Coppa mundiela da passlung FIS COOP Engiadina.
La vschinauncha da Silvaplauna
Silvaplauna, ils 4 schner 2025
PDF herunterladen